(കവിത )

കണ്ണന്‍റെ അമ്മ

വരികയെന്‍  കണ്ണാ ..ഞാന്‍ ഊണൊരുക്കി

കാത്തിരിപ്പാണെത്ര  നേരമായി

പാ.ല്‍വെണ്ണ, മോരും  ഉരുളയാക്കി

വച്ചതാം ചോറും  ഉറിക്കലത്തി.ല്‍

കാത്തിരിപ്പാണുണ്ണീ – കൂട്ടരൊത്തു

വേഗം വരൂ , വിശപ്പായതില്ലേ ?

കളികളില്‍ മുങ്ങി നീ നാടുനീളെ

അലയുന്നുവല്ലോ ..തള.ര്‍ച്ചയില്ലേ.!

വെയില്‍ കൊണ്ടു,വെയില്‍ കൊണ്ടു നിന്‍റെ കുഞ്ഞി-

കവിളുകള്‍ കാളിമ പൂണ്ടതായി

പീലിത്തണ്ടാലെ ഞാ.ന്‍ തച്ചതിന്‍റെ

പാരം പരിഭവം തീന്നതില്ലേ ?

ചാരുവദനത്തിലുണ്ടു  കാണ്മാ.ന്‍

ചന്ദനം മായ്ച്ചതിന്‍  സ്വര്‍ണ്ണ രേണു.

ചേറുപുരണ്ട നി.ന്‍ കൈകളെന്‍റെ

ചേലയില്‍  തേച്ചതാം വര്‍ണ്ണമെല്ലാം

പീലികള്‍ നീര്‍ന്നുള്ള ചേലിലെന്നു

കാലിച്ചെറുക്കന്മാ.ര്‍  ചൊല്ലിയല്ലോ!

പൊ.ന്‍ മയില്‍പീലി നെറുകയിങ്ക.ല്‍

ചാര്‍ത്തിയ ചേലൊത്തു  നീയണയെ

തോഴിമാര്‍ മോദമാര്‍ന്നോടിയെത്തി-

യൊന്നു മുകരുവാ.ന്‍ മത്സരിപ്പൂ ...

വരികയെന്‍  കണ്ണാ ,നിനക്കു മാത്രം

നറുവെണ്ണ തന്നിടാം, ചോറുരുള-

യ്ക്കൊപ്പം നിനക്ക് ഞാന്‍ വാരി നല്‍കും

സ്നേഹമധുരം  ചെടിച്ചു പോയോ ?

മധുവുണ്ടു  മധുവുണ്ടു  നാവിലെല്ലാ

മധുരവും കൈപ്പായ് പരിണമിച്ചോ?

ആനന്ദപൂര്‍ണ്ണമാം അശ്രുബിന്ദു

ചേരും കരിമിഴി  നീ തൊടുമ്പോ.ള്‍,

വിസ്മരിക്കുന്നേ.ന്‍ ഈ ലോകം, എന്‍റെ

കണ്മുന്നില്‍  സ്നേഹപ്രളയമല്ലോ.

മുങ്ങിയും പൊങ്ങിയുമാലിലപ്പൂ –

ന്തോണിയി.ല്‍  ഞാനുമെ.ന്‍ പൊ.ന്‍കിനാവും!

കണ്ണന്‍റെ  കൈവിര.ല്‍  തൊട്ടതെല്ലാം

മായാവിലാസത്തി.ല്‍ മുങ്ങുമത്രേ.

അമൃതുവിളമ്പി  വിളിക്കുമമ്മ യ്-

ക്കരികില്‍ അണയുക ,നീ പുരാനേ ...

( ശാന്തകുമാരി വിജയന്‍)