ജീവിതം
1
കരയാനുള്ളു തേങ്ങുന്നൂ
ചിരിയര്ഥിക്കുകയാണിള.
അണപൊട്ടുന്ന ദു:ഖത്തി-
ന്നര്പ്പിക്കാമൊരു സുസ്മിതം.
2
പുലര് വേളയ്ക്കു മുന്പേ വ--
ന്നസ്ത്തമിക്കുന്ന ചന്ദ്രികേ ,
ഭാസുരേന്ദ്ര പ്രഭാവത്തിന്
നിഴലോ നിന്റെ ജീവിതം? .
3
ആരുമേ കാണാത്തൊരാലിന് കുരുന്നു വി -
ത്തീരില നീര്ത്തുന്നു പോടുകള്ക്കുള്ളിലായ് !
4
വേരുകള് താഴേക്കു താഴേക്കു പാഞ്ഞുപോം
ഓര്മയാകുന്നോരരയാല് ചുവട്ടിലും
പൊന്നില തല്ലിക്കൊഴിച്ചിട്ട കാലമേ
നീളുമീയീരില കൂപ്പുകൈ കാണുക.
. (ശാന്തകുമാരി വിജയന് )
ആരുമേ കാണാത്തൊരാലിന് കുരുന്നു വി -
ReplyDeleteതീരില നീര്ത്തുന്നു പോടുകള്ക്കുള്ളിലായ് !
പ്രത്യേകം ഇഷ്ടമായി
ആശംസകള്
എഴുത്ത് തുടരൂ
Deleteസര്,സുന്ദരമായ കഥകള്ക്ക് ഹൃദയപൂര്വം നന്ദി പറയട്ടെ,ആദ്യം
തന്നെ ...... എന്റെ കവിത നോക്കിയല്ലോ .വളരെ സന്തോഷം.
, സസ്നേഹം ,ശാന്ത വിജയന്
പ്രിയപ്പെട്ട ശാന്ത ചേച്ചി,
ReplyDeleteവളരെ ഇഷ്ടമായി വരികൾ.
ഭംഗിയേറിയ വരികൾ മനോഹരം
ഈ ജീവനും ജീവിതവും ഭഗവാന്റെ സമ്മാനം.
അതിൽ ദുഖമോ സന്തോഷമോ എന്തും ആകട്ടെ.
സ്നേഹത്തോടെ,
ഗിരീഷ്
Deleteഗിരീഷ് ,ഏതുംഭഗവാന്റെ സമ്മാനമായി സ്വീകരിക്കാന് കഴിയുന്ന
മനസ്സും ഭഗവാന് തന്നെ തന്ന്അനുഗ്രഹിക്കട്ടെ..കവിത ഇഷ്ട്ടമാ
യതി ല് സന്തോഷം.
"പുലര് വേളയ്ക്കു മുന്പേ വ--
ReplyDeleteന്നസ്ത്തമിക്കുന്ന ചന്ദ്രികേ ,
ഭാസുരേന്ദ്ര പ്രഭാവത്തിന്
നിഴലോ നിന്റെ ജീവിതം? ."
നാം സ്വയം ചോദിക്കേണ്ട ഒരു ചോദ്യം. മനോഹരമായിരിക്കുന്നു ഈ
കവിത
Deleteമധു സര്,
ഈ കുഞ്ഞു വരികള്ക്ക് തന്ന വലിയ അഭിനന്ദനം !
സ്നേഹ വന്ദനം